Ankaraya Rusiya ilə əməkdaşlığın inkişafı və rus qazını Avropaya ötürməkdə vasitəçi olmaq sərf edir.

Axar.az "İzvestiya" qəzetinə istinadən xəbər verir ki, bu açıqlama ilə Aleksandr Sotniçenko çıxış edib.

O, Türkiyə rəhbərliyinin çoxdan ölkəni Avropaya qaz ötürülməsində tranzit zona etmək istədiyini bildirib:

"Əvvəllər Azərbaycan və Türkmənistanın hesabına "Nabukko" qaz kəmərinin reallaşdırılması nəzərdə tutulurdu. Avropa bu ideyanı bəyənirdi. Amma sonda Xəzərin statusunun tam müəyyən edilməməsi və Rusiyanın qətiyyətli mövqeyi bu proyekti həyata keçirməyə imkan vermədi. Nəticədə "Qazprom" Avropya qaz ötürülməsində monopolist olaraq qaldı. Putinin yeni təklifi isə Türkiyənin neo-osmanizm siyasətinə cavab verir. Belə ki proyekt reallaşacağı təqdirdə Ankara əsas rıçaqları əlində tutacaq və Balkanlara qaz ötürülməsinə nəzarət edəcək".