Dünən Çeçenistanın paytaxtı Qroznıda çeçen mücahidləri ilə təhlükəsizlik qüvvələri arasında baş verən döyüş zamanı 80 nəfərə yaxın polis öldürülüb.

Axar.az xəbər verir ki, belə bir iddia ilə mücahidlərə məxsus "Qafqaz çentr" saytı çıxış edib.

"Kadırovçular arasında yayılan məlumatlar onların itkilərinin göstəriləndən çox olduğunu təsdiqləyir. 70-80 polisin öldürüldüyü bildirilir", - sayt yazıb.

Dünən Çeçenistan hökuməti və Rusiya Milli Anti-terror Komitəsi 10 polisin öldüyü və 28 nəfərin yaralanması ilə bağlı rəsmi məlumat yaymışdı.

Amma bəzi rus mətbu orqanları öldürülən polislərinin sayının hələ də dəqiqləşdirilmədiyini yazır.