Ana səhifə Planet |
Ermənistanın Baş naziri Nikol Paşinyanın Ukraynada keçirilən seçkilərdə inamlı qələbə qazanan Vladimir Zelenskini təbrik etməsi sosial şəbəkələrin ukrayn seqmentində birmənalı reaksiya yaratmayıb.
Axar.az xəbər verir ki, Paşinyanın Zelenskinin qələbəsinə həsr olunmuş 2 təbrik tviti ukraynalı və ermənilər arasında qızğın mübahisə yaradıb.
Ermənistanın Ukraynanın ərazi bütövlüyününə dair BMT qətnaməsinin səsverməsi zamanı Rusiyanı dəstəkləməsini xatırladan ukraynalı sosial şəbəkə istifadəçiləri “Krım kimindir?” sualını Paşinyana ünvanlayıblar. Onlar Ukraynanın ərazi bütövlüyünü tanımayan Paşinyanın Zelenskini təbrik etməsini ən sərt sözlərlə cavablandırıblar.
Bir çox istifadəçi Ermənistanın baş nazirini ən ağır sözlərlə təhqir etməkdən də çəkinməyib.
“Ukrainian people” adlı istifadəçi Paşinyana müraciətlə “Vladimirə də düzgün şəkildə Rusiyanın altına uzanmağı öyrət” yazıb. “Heinz Bar” adlı istifadəçi isə “Kloun klounu uzaqdan görür” sözləri ilə erməni liderə cavab verib.
Tarix
2019.04.22 / 13:03
|
Müəllif
Orxan Tağıyev
|