"Rusiya Prezidenti Vladimir Putinin maaşı hər dövlət məmurunda olduğu kimi, ayda iki dəfə maaş kartına köçürülür".

Axar.az xəbər verir ki, bu açıqlama ilə Rusiya Prezident Administrasiyasının mətbuat katibi Viktor Xrekov çıxış edib. O, Putinin maaş məsələsində digər məmurlardan fərqlənmədiyini bildirib:

"Putinin maaşını biz müəyyən etmirik. Yalnız vaxtı çatanda dövlət başçısının istədiyi karta köçürürük. Putinin maaşı hər dövlət məmurunda olduğu kimi, ayda iki dəfə maaş kartına köçürülür. Bu ilin martında Vladimir Putin maaşını daha öncələr açdığı və ABŞ-ın sanksiyalar siyahısına düşən "Bank Rossiya"dakı hesabına köçürülməsini tələb etmişdi".

Qeyd edək ki, Kremlin internet saytında yayımlanan məlumata görə, Putinin 2013-cü ildə qazancı 3 milyon 672 min rubl (70 min dollar) olub.