"İran hər zaman və hər yerdə İsrailə qarşı mübarizə aparan bütün qrupları dəstəkləyir".

Axar.az xəbər verir ki, bu açıqlama ilə İran parlamentinin sədri Əli Laricani çıxış edib. O, Qərb dövlətlərinin regiona müdaxilə etmək üçün hər dəfə bir bəhanə axtardığını bildirib:

"İran hər zaman və hər yerdə İsrailə qarşı mübarizə aparan bütün qrupları dəstəkləyir. İsrail bu gün beynəlxalq arenadan dəstək alsa belə, Fələstin xalqı nəticə etibarı ilə qələbə qazanacaq. Bəzi dövlətlərin dəstəyi ilə bölgədə yaradılan terrorçu qruplar regiona müdaxilə üçün bəhanədir. İŞİD əleyhinə hazırkı koalisiya da saxta və tutarsızdır. Qərb dövlətləri İŞİD ilə mübarizə adı altında regionda başqa qanunsuz hədəfləri planlaşdırırlar".