Ana səhifə Planet |
Ukraynanın Xarici İşlər Nazirliyi Moldovanın siyasi qüvvələrini Rusiyanın “federallaşma ssenarisi”nin reallaşmasının qarşısını almağa çağırıb.
Axar.az xəbər verir ki, bu barədə Ukrayna XİN-in rəsmi saytında bildirilib.
Ukrayna XİN-in bəyanatına əsasən, sözügedən addım həm Moldova, həm də regiondakı vəziyyətin təhlükəsizliyi baxımından önəm daşıyır.
“Kiyev demokratik və avropayönlü Moldovada maraqlıdır”, - XİN-in bəyanatında deyilib.
Qeyd edək ki, ötən gün Moldova Konstitusiya Məhkəməsi parlamenti buraxmaqdan imtina etdiyi üçün Prezident İqor Dodonun səlahiyyətlərinin əlindən alınması ilə bağlı qərar vermişdi. Prezident səlahiyyətlərinin müvəqqəti icrası Pavel Filip isə parlamenti buraxmışdı.
İ.Dodon beynəlxalq qurumlardan və xalqdan bu özbaşınalığa qarşı dəstək istəyib.
Tarix
2019.06.10 / 10:18
|
Müəllif
Orxan Tağıyev
|