Ukrayna Prezidenti Vladimir Zelenski Çernobıl qəzası zamanı radiasiya ilə çirklənmiş suyun boşaldılması üçün reaktora enən əfsanəvi dalğıclara “Ukrayna Qəhrəmanı” adı verib.

Axar.az xəbər verir ki, Ukrayna Prezidenti bu barədə müvafiq fərman imzalayıb.

Prezidentin qərarı ilə Aleksey Mixayloviç Ananenko və Valeri Aleksandroviç Bespalov “Qızıl ulduz” medalı ilə birlikdə “Ukrayna Qəhrəmanı” fəxri adına layiq görülüb.

Prezidentin qərarı ilə həmçinin digər bir dalğıc - 1976-2005-ci illərdə Çernobıl AES xüsusiləşdirilmiş dövlət müəssisəsinin növbə rəisi Baranov Boris Aleksandroviçə ölümündən sonra “Qızıl ulduz” medalı ilə birlikdə “Ukrayna Qəhrəmanı” adı verilib.