Gürcüstandakı vəziyyətin gərginləşməsinin hədəfləri Moskva-Tiflis münasibətlərini gərginləşdirmək, Gürcüstanda ABŞ hərbi aviasiyasını yerləşdirmək üçün bəhanə hazırlamaqdır.

Axar.az xəbər verir ki, bu sözləri öz Teleqram kanalında Rusiya Liberal Demokratik Partiyasının sədri Vladimir Jirinovski paylaşıb.

“Gürcüstandakı situasiyanın gərginləşdirilməsinin əsas səbəbləri rusları buradan yekun olaraq çıxartmaq, Moskva-Tiflis münasibətlərini gərginləşdirmək, Gürcüstanda ABŞ hərbi aviasiyasını yerləşdirmək üçün bəhanə hazırlamaqdır. Nəticə olaraq bu aviasiyadan İranın bombardmanı üçün istifadə ediləcək”, - deyə o bildirib.

Qeyd edək ki, Rustavi-2-də yayımlanan “P.S.” proqramının aparıcısı Rusiya Prezidenti Vladimir Putinin ünvanına müxtəlif təhqiramiz ifadələr səsləndirib. Bundan sonra televiziya binası qarşısında yüzlərlə insanın iştirakı ilə etiraz aksiyası təşkil olunub.