"Dəmir yol nəqliyyatının dayandırılması yalnız vəziyyəti ağırlaşdıracaq və Rusiyaya yarımadanın inteqrasiyasını sürətləndirəcək".

Axar.az xəbər verir ki, bu sözləri Ukrayna Nazirlər Kabinetinin Krım Muxtar Respublikası və Sevastopol məsələləri üzrə departamentin rəhbəri Aslan Ömər bildirib.

Ömər Ukraynanın sərhədi bağlamasının məntiqsiz olduğunu vurğulayıb:

"Ukrayna xüsusi və hüquq-mühafizə xidmətləri təhlükəsizliyin qarşısını almaq üçün buraxılış məntəqələrində nəzarəti gücləndirə bilərdilər. Nəyə lazım idi Krımla sərhədi bağlamaq? Hansı ki, Rusiya ilə yüzlərlə kilometr məsafə var. Məsələn, terror aktlarından sonra Vaşinqton 11 sentyabrda dövlət sərhədlərini bağlamadı amma təhlükəsizliyi gücləndirdi, bunu ABŞ vətəndaşları da normal qarşıladı".

Qeyd edək ki, Ukrayna hökuməti birtərəfli olaraq Rusiyaya birləşdirilən Krıma dəmiryolu nəqliyyatının dayandırıldığını açıqlamışdı.