2019.07.19. 15:31

İran pilotsuz uçan aparatını itirməyib.

Axar.az xəbər verir ki, bunu İran Xarici İşlər nazirinin müavini Abbas Arakçi deyib. Onun sözlərinə görə, İran nə Hörmüz körfəzi, nə də başqa bir yerdə PUA-sını itirib.

Arakçi hətta ABŞ gəmisinin yanlışlıqla öz dronunu vurma ehtimalının olduğunu da istisna etməyib.

Qeyd edək ki, ABŞ Prezidenti Tramp Hörmüzdə 900 metr məsafəyə qədər yaxınlaşdığı üçün ABŞ gəmisinin İran PUA-sını məhv etməyə məcbur olduğunu bildirmişdi.

***

İran dronunun vurulmadığını əks etdirən görüntü paylaşıb.

Videoda "vurulduğu" bildirilən İran PUA-sının ABŞ gəmisiniz lap yaxın məsafədən qeydə aldığı aydın görünür.

Rusiya mediası bu görüntüləri "ABŞ-ın rüsvayçılığı" başlığı ilə tirajlayıb.