İngiltərə dövlət arxivi məxfiliyi götürdüktən sonra illərlə sirr qalan məlumatlar mətbuatda yayımlanıb.

Musavat.com-un məlumatına görə, bu məlumatlardan biri də Yunanıstanla Türkiyə arasındakı gərginliyin səbəbi olan Şimali Kipr Türk Cümhuriyyəti (KKTC) haqqındadır.

Arxivdən alınan məlumata görə, 15 noyabr 1983-cü ildə KKTC-nin elan edilməsindən sonra Yunanıstan Türkiyə ilə əlaqələri kəsərək adaya ordu yeritmək istəyib. Yunanıstanın bu planına İngiltərədə o dövrün baş naziri Marqaret Tetçer mane olub. Yaxın vaxtlara qədər bu məlumatlar arxivin gizli sənədləri arasında saxlanılıb.

İngiltərə arxivindəki KKTC ilə bağlı sənədləri yayımlayan "Rum Simeri" qəzeti yazır:

"KKTC elan edildikdən iki gün sonra 17 noyabr 1983-cü ildə Londona səfər edən Yunanıstan lideri İngiltərə baş naziri ilə danışıqlar aparıb. Yunanıstana, ordan da Londona gedən Kiipr lideri Afinadakı danışıqları İngiltərə baş nazirinə çatdırıb. Yunan lider Yunanıstanın KKTC-nin elan edilməsindən şoka düşdüyünü deyib".