Eks-prezident Pyotr Poroşenko partiyasının seçkilərdəki məğlubiyyətinə görə polisi günahlandırmaqla vicdansızca yalan danışır.

Axar.az xəbər verir ki, bu sözləri Ukraynanın erməni əsilli Daxili İşlər naziri Arsen Avakov deyib.

“Ukrainskaya pravda”ya müsahibəsində Poroşenko vicdansızca yalan danışır, öz partiyasının məğlubiyyətini polisin ona qarşı çalışması ilə əlaqələndirir. Bütün Daxili İşlər Nazirliyi kimi polis də onun üçün deyil, şəffaf seçkilər üçün çalışırdı. Biz insanlarımız və Ukrayna üçün çalışırdıq. Poroşenko üçün yalan danışmaq nəfəs almaq kimi bir şeydir. Ona görə də məğlub olur”, - Avakov bildirib.

Xatırladaq ki, Poroşenko polisin və ölkə daxilindəki mütəşəkkil dəstələrin seçki zamanı onun partiyasının əleyhinə çalışdığını açıqlamışdı.