Vahid Rusiya Partiyasının təqaüd islahatlarından sonra sonra reytinqi aşağı düşüb, amma bununla belə digər partiyaların reytinqində də artım müşahidə edilməyib.

Axar.az xəbər verir ki, bu nəticə “Levada Çentr”in apardığı tədqiqatdan sonra ortaya çıxıb.

Məlumata görə, Vahid Rusiyanın dəstəyi 31%-dən 28%-ə qədər geriləyib. Ondan sonrakı yerlərdə dayanan Kommunist Partiyası 11%, Liberal Demokrat Partiyası 10%, Rusiya Kommunistləri Partiyası 3%, Ədalətli Rusiya Partiyası 2% dəstəkçiyə sahib olub.

Bu göstəricilərə rəğmən Vahid Rusiyaya seçkidə səs verməyə hazır olan respondentlər ümumi sorğu iştirakçılarının 44%-ni təşkil edib. Kommunist Partiyasında bu göstərici 17%, Liberal Demokrat Partiyasında isə 16% olub.

41% rusiyalı isə hələ də kimə səs verəcəyini və ya ümumiyyətlə, seçkidə iştirak edib-etməyəcəyini bilmədiyini açıqlayıb. “Levada Çentr” bunun 2016-cı il parlament seçkisindən bu yana qeydə alınan maksimal göstərici olduğu vurğulanıb.

Şirkətin direktoru Lev Qudkov nəticələrlə bağlı “Vedomosti” qəzetinə açıqlamasında artıq Rusiyada Vahid Rusiya Partiyasını dəstəkləməkdən imtina edən insanların passiv kütlələr sırasına qoşulduğunu və özləri üçün heç bir alternativ müəyyən etmədilərini bildirib. O bunun növbəti seçkidəki aktivlik göstəricisinə birbaşa təsir edən faktor olacağını deyib.

Qeyd edək ki, Vahid Rusiya Partiyası Rusiya Prezidenti Vladimir Putinin partiyasıdır.