Ötən gün Bakıdan səfərdən geri qayıdan Türkiyə Prezidenti Rəcəb Tayyib Ərdoğan təyyarədə bir çox məsələlərə verdiyi reaksiyalarla gündəmdədir.

Axar.az xəbər verir ki, Ərdoğan Fransa Prezidenti Makronla danışığına toxunub.

“Makron “Kuzey Kıprıs Türk Cümhuriyyətinin hərəkət və açıqlamasını necə dəyərləndirirsiniz” deyə məndən soruşdu. Mən də dedim ki, Kuzey Kıprısı nə vaxtdan tanıyırsınız?” – Ərdoğan bildirib.

Qeyd edək ki, Şimali Kipr Prezidenti Mustafa Akıncı “Sülh çeşməsi” ilə bağlı “Nə olursa olsun, axan yenə qandır” deyə bildirmişdi, Ərdoğan isə ona olduqca sərt reaksiya vermişdi.

Şimali Kipr Türk Respublikasını Türkiyədən başqa rəsmi olaraq heç bir ölkə tanımır.