Ukrayna Hərbi Dəniz Donanmasının admiralı İqor Voronçenkonun gəmilərdən oğurluq edilməsi ilə bağlı iddiaları əsassızdır.

Axar.az xəbər verir ki, bu sözləri rusiyalı deputat Dmitri Belik Ukraynaya qaytarılan gəmilərlə bağlı açıqlamasında deyib.

Onun sözlərinə görə, Rusiya donanması və Sərhəd Xidməti lazımi vasitələrlə təmin edilir və onların nə isə götürməsinə ehtiyac yoxdur:

“Unitazları, çilçıraqları və lampaları oğurlamaq cənab Voronçenkonun əlaltılarına aiddir”.

Qeyd edək ki, Rusiya Kerç boğazında ələ keçirdiyi 3 Ukrayna gəmisini 2 gün öncə geri qaytarıb.

Ukraynalı admiral İ.Voronçenko Rusiya dənizçilərinin həmin gəmilərdən oğurluq etdiyini bildirib.