ABŞ Prezidenti Donald Tramp Meksikadakı narkokartellərin terror qruplaşması elan edilməsini təxirə salıb.

Axar.az xəbər verir ki, Tramp bu qərarını Tvitter səhifəsində elan edib.

“Meksikalı narkokartellərin terror qrupu elan edilməsi ilə bağlı proses tamamlanıb, hər şey hazırdır. Amma çox sevdiyim, hörmət etdiyim və bizimlə çox yaxşı işləyən Meksika Prezidenti Manuel Lopez Obradorun tələbi ilə bu prosesi hələlik təxirə salmalı olduq. Amansız və sürətlə böyüyən təşkilatlara qarşı qəti bir həll üçün birlikdə mübarizə aparacağıq”, - Tramp bildirib.

Qeyd edək ki, Donald Tramp ötən ay meksikalı narkokartelləri terror qruplaşması elan edəcəklərini açıqlamışdı.