Ana səhifə Planet |
"Munayevin öldürülməsinin ilkin səbəbi maliyyə mübahisəsidir".
Axar.az xəbər verir ki, bu iddia ilə Rusiya mətbuatı çıxış edib.
Mətbuat Munayevin ölümündən az öncə "Dudayev batalyonu"nun mətbuat katibi olan Okuyevanı pul oğurlamaqda günahlandıraraq ona batalyon üçün lazım olan humanitar yardımların toplanmasını qadağan etdiyini yazıb. Bundan əlavə isə Okuyevanın generalın ölümündən bir gün öncə onun Feysbuk adresini silməsi daha çox şübhələrə səbəb olub:
"Feysbuk Mərkəzi Kəşfiyyat İdarəsinin bir parçasıdır. Bu təşkilat öz agentlərinin səhifəsini boş yerə bloklamır. Görünür, Okuyeva Munayevin ölüdürüləcəyindən əvvəldən xəbərdar olub".
Çeçen-İçkeriya Respublikasının Fransadakı səfiri Musa Tayipov isə öz Feysbuk səhifəsində İsa Munayevin ölümünün təsadüf olmadığını deyib:
"Mən bu məsələni mütləq izləyəcəm. Çox güman ki, deməyə nəyimsə olacaq. Bu tip hal ilk dəfə baş vermir".
Qeyd edək ki, "Dudayev batalyonu"nun komandiri İsa Munayev fevralın 1-də Debalçevo yaxınlığındakı döyüşlər zamanı qətlə yetirilmişdi. Bəzi mənbələr onu Ramzan Kadırovun öldürtdüyünü bildirmişdilər. Lakin şübhəlilər sırasında Adam Osmayev və Amina Okuyevanın da adı yer almışdı.
Tarix
2015.02.06 / 11:19
|
Müəllif
İlkin Həsənov
|