Ana səhifə Planet |
Rusiya Prezidenti Vladimir Putin bir ayağı ilə sovet dönəmində dayanır. O, KQB-ni təqlid edir.
Axar.az xəbər verir ki, bunu ABŞ Prezidenti Barak Obama "Buzzfeed" agentliyinə verdiyi müsahibəsində deyib.
ABŞ prezidentinin sözlərinə görə, Putin problemlərə soyuq müharibə prizmasından baxır və buna görə də o, Rusiya iqtisadiyyatının şaxələndirilməsi imkanlarından, qonşularla münasibətləri möhkəmləndirməkdən məhrum olub.
Obama Ukraynada konfliktin sülh yolu ilə həllinə ümid etdiyini bildirib:
"Mən hələ də Rusiyadan Ukraynada konfliktin həlli üçün diplomatik təklif gözləyirəm. Ümid edirəm ki, İranın nüvə proqramında olduğu kimi, bu məsələdə də bizimlə işləyəcəklər".
Ağ Ev rəhbəri bildirib ki, Rusiyanın zəif iqtisadiyyatı hər iki ölkə üçün ciddi təhlükələr vəd edir.
Tarix
2015.02.11 / 13:38
|
Müəllif
Anar Əhmədov
|