Ana səhifə Planet |
Rusiya Təhlükəsizlik Şurasının katibi Nikolay Patruşev ABŞ-ın Rusiyaya qarşı tətbiq etdiyi sanksiyalarla ölkədə "rəngli inqilab"ın reallaşmasını arzu etdiyini açıqlayıb.
Axar.az-ın məlumatına görə, Ukrayna böhranı səbəbi ilə ABŞ və Qərb ölkələrinin Rusiyaya qarşı sanksiya tətbiq etdiyini xatırladan Patruşev ölkədə çaxnaşmanın olacağını istisna etməyib:
"ABŞ rəhbərliyi Rusiyaya qarşı sanksiyalar tətbiq etməklə vətəndaşların həyatına təsir etməyə çalışır. Beləcə kütlə nümayişə qalxacaq. Rəngli inqilab ssenarilərində olduğu kimi rejimin dəyişdirilməsində Rusiya vətəndaşlarından istifadə edilir".
Rusiya iqtisadiyyatının və maliyyə quruluşunun qorunması üçün lazımlı tədbirlərin alınması məsələsinə xüsusi əhəmiyyət verdiklərini deyən Patruşev ABŞ-ın Rusiya ilə açıq müharibə apardığını bildirib:
"Vaşinqton ilk dəfə açıq şəkildə milli büdcədən ayrılan fondlarını Rusiyaya qarşı istifadə edir".
Tarix
2015.02.11 / 23:31
|
Müəllif
Şəmsəddin Ənsar
|