09:35

Pakistanda güclü qar və uçqunlar nəticəsində ölənlərin sayı 93-ə çatıb.

Axar.az xəbər verir ki, bu barədə “Daun” qəzeti məlumat yayıb.

Məlumata görə, 66 nəfər Azad Kəşmir regionunda ölüb. Bəlucistanda 20, Pəncabda isə 7 nəfər həlak olub. Yaralıların sayı isə 53-ə çatıb.

Rəsmi qurumlar ölənlərin sayının artacağını bildirirlər. Çünki Nilam vadisindəki bəzi rayonlarla güclü qar səbəbindən hələ də əlaqə yoxdur.

***

Pakistanda yağışlar, sel və daşqınlar nəticəsində Azad Kəşmir və Bəlucistanda ölənlərin sayı 100-ə çatıb. Təxminən o qədər də yaralı olduğu bildirilir.

Bu əyalətlərdə insanların təbii fəlakət zonalarından xilas olunması və onlara kömək göstərilməsi işləri davam edir. Pakistanın təbii fəlakət zonalarında təxminən 200 ev yararsız hala düşüb. Bu zonalarda ümumilikdə 2000 çadırdan ibarət şəhərciklər qurulub. Zərər çəkənlərə ərzaq, adyal, isti paltarlar verilir.

Bəlucistan əyalətinin yeddi dairəsində fövqəladə vəziyyət elan olunub, orada da zərər çəkənlərə yardımlar edilir.