Almaniyanın "Bild am Sonntag" qəzetinin yazdığına görə, məşhur İŞİD üzvü, almaniyalı reper Denis Kuspertin arvadı FBİ agenti imiş.

Avropa.info xəbər verir ki, Kuspertlə imam nikahı ilə evlənən qadın vəziyyətin özü üçün pisləşdiyini gördükdə Türkiyəyə qaçıb. Qəzet xəbəri alman və amerikan kəşfiyyat orqanlarına istinad edərək yazıb.

İŞİD-in yüksək səviyyəli üzvləri ilə tanış olmaq tapşırığı alan qadın tapşırığı yerinə yetirmək üçün Denis Kuspertə ərə gedib. Ələ keçəcəyini anlayanda qadın Türkiyəyə keçib. Lakin orada polis tərəfindən həbs olunub. Daha sonra FBİ-in köməyi ilə ABŞ-a aparılıb.

Abu Talha əl-Almani adını qəbul edən Denis Kuspert keçən həftə dünyanın ən təhlükəli terrorçuları siyahısına salınmışdı. FBİ agenti qadının ötürdüyü məlumatlar əsasında ABŞ Kuspertin adını siyahıya daxil edib.