İslam inqilabının rəhbəri İran İslam Şurası Məclisində dini azlıqların nümayəndələrini qəbul edib.

Axar.az "Aran Radiosu"na istinadən xəbər verir ki, Ayətullah Xamneyi dini azlıqların nümayəndələrini İran İslam Respublikasında qeyri-müsəlmanlara heç bir təcavüzün olmadığını nümunə göstərərək bu yanaşmanın xarici ölkələrdə də tətbiq olunmasına çağırıb.

Daha sonra Xamneyi müsəlmanların Avropa və Amerikada təhlükəsizlik məsələsinə toxunub:

"Məsələ bu deyil ki, nə üçün müsəlmanlar xarici ölkələrdə lazımi azadlığa malik deyillər, budur ki, bu ölkələrdə niyə müsəlmanların can təhlükəsizliyi yoxdur?"

Bundan əlavə inqilab rəhbəri "Biz islamdan digər dinlərin davamçıları ilə insaf və ədalətlə davranmağın lazım olduğunu öyrənmişik. Bu bizə islamın etdiyi hökmdür. Bu gün dünyada insaf və ədalət iddiasında olan güclü dövlətlər özlərinin məhdud və zalımcasına siyasətlərindən başqa heç bir ədalət, insaf prinsiplərinə riayət etmirlər" – deyə bildirib.