Axar.az
Yuxarı

Pyes yaz, noutbuk qazan – Müsabiqə

Ana səhifə Planet
12 Punto 14 Punto 16 Punto 18 Punto

Azərbaycanda milli ədəbiyyatın inkişafına dəstək məqsədi ilə Hədəf Nəşrlərinin təsis etdiyi "Anamın kitabı" Ədəbi Mükafatının pyes müsabiqəsi bu il ikinci dəfə keçiriləcək.

Axar.az xəbər verir ki, layihənin rəhbəri Müşfiq Xanın verdiyi məlumata görə, bu il ikinci dəfə keçiriləcək müsabiqə fevral-avqust aylarını əhatə edəcək. Mükafatlandırma isə bu ilin sentyabr ayında təşkil olunacaq.

Bu il müsabiqənin Təşkilat Komitəsi əsərlərin mətni üçün işarə sayı məhdudiyyətini də ləğv edib.

Xatırladaq ki, layihənin ideya müəllifi filologiya elmləri üzrə fəlsəfə doktoru Şəmil Sadiq, müsabiqənin Münsiflər Heyətinin sədri isə Azərbaycan Milli Elmlər Akademiyasının vitse-prezidenti, akademik İsa Həbibbəylidir. Münsiflər Heyətinin digər üzvlərinin adı isə mükafatlandırma zamanı açıqlanacaq.

"Anamın kitabı" Ədəbi Mükafatının pyes müsabiqəsinə əsərlərin qəbulu haqqında:

1. Müsabiqəyə yalnız pyes əsərləri qəbul edilir.

2. Əsərlərin mətni üçün işarə və pərdə sayı məhdudiyyəti yoxdur.

3. Müsabiqədə iştirak etmək üçün maksimum yaş həddi – 40 yaşdır.

4. Mövzu seçimi sərbəstdir. Ədəbi mükafatın ideya və nizamnaməsi nəzərə alınmalıdır.

5. Əsərlərin qəbulu:

Başlayır: 21 fevral 2015 – Beynəlxalq Ana dili Günü

Bitir: 1 may 2015 (saat 22:00)

6. Ekspertlər Şurası fəaliyyəti

1 may 2015 – 31 may 2015

EŞ-nın seçəcəyi əsərlərin sayına məhdudiyyət yoxdur. Seçilən əsərlər Onlayn səsverməyə çıxarılmaqla yanaşı, Münsiflər Heyətinə təqdim olunur. Onlayn səsvermənin nəticələri MH-nin qiymətləndirməsinə təsir etmir.

7. Münsiflər Heyətinin əsərləri qiymətləndirməsi: 5 iyun 2015 – 5 avqust 2015

8. Onlayn səsvermə: 5 iyun 2015 – 5 avqust 2015 (saat 22:00)

9. Müsabiqəyə yekun vurulması və qaliblərin elan olunması

1 avqust 2015 – Azərbaycan dili və Əlifbası günü

10. Mükafatlandırma 2015-ci ilin sentyabr ayında keçiriləcək.

Mükafatlar

I yer noutbuk, II yer planşet, III və IV yer netbuk.

Müsabiqə üçün əsərləri [email protected] ünvanına göndərmək lazımdır. Əsərlər göndərilərkən əlavə bir faylda aşağıda göstərilən məlumatları mütləq qeyd etmək lazımdır:

a) Müəllifin adı, soyadı, atasının adı

b) Müəllifin telefon nömrələri (mobil və ev), yaşadığı ünvan

c) Müəllifin doğum tarixi

d) Müəllifin e-poçt ünvanı (*varsa, FB ünvanı)

e) Müəllifin ədəbi təxəllüsü (*əgər varsa)

Göstərilən məlumatlardan hər hansı biri qeyd olunmayan əsər müsabiqəyə buraxılmayacaq.

Əsərlərin məzmunu, redaktə və korrektə xətaları ilə bağlı məsuliyyəti yalnız müəllif daşıyır.

Təşkilatçılar: AR Mədəniyyət Nazirliyi Dövlət Gənc Tamaşaçılar Teatrı, Kitabevim.az kitab mağazaları şəbəkəsi

İnformasiya dəstəyi: Senet.az ədəbiyyat və sənət dərgisi

Sponsorlar: Soliton, Hədəf Kursları, Medica Hospital

Rəsmi Feysbuk səhifəsi: www.facebook.com/AnaminKitabi

Tarix
2015.02.20 / 18:42
Müəllif
Nilufər Muğantürk
Şərhlər
Digər xəbərlər

Generallarımız Azərbaycanın Qarabağ təcrübəsini öyrənir

Arutyunyan müavinsiz qalıb, özbaşınalıq hökm sürür

Niyə bu şirkətlər qara siyahıya salındı? - Pompeo

İran alimini bu ölkə öldürüb - ABŞ kəşfiyyatı

Paşinyanı istefaya göndərib, müharibə başlatmaq... - Vanetsyan

Erməni əsgər valideyinləri yenə aksiya keçirir

ABŞ təyyarədaşıyan gəmisini Fars körfəzinə göndərdi

İranlı alimə görə aksiya: Müharibə tələb edildi

Paşinyan aradan çıxır: Düşməninə elçi göndərdi

Ermənistan vəziyyətdən bu cür çıxmaq istəyir – 12 bənd

KULT
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla