Səudiyyə Ərəbistanının nasaz təyyarəsi Türk Hava Yollarının işini xeyli çətinə salıb.

Axar.az-ın Türkiyə mətbuatına istinadən verdiyi xəbərə görə, Səudiyyə Ərəbistanı Hava Yollarına aid sərnişin təyyarəsinin "Sabiha Gökçən"ə enişi zamanı yaranan hidravlik problem hava limanının işində maneələr yaradıb. Təyyarə texniki çatışmazlıq səbəbilə uçuş-eniş zolağının ortasında qalmaqla Sabiha Gökçən Hava Limanında uçuş və enişlər yarım saat müddətinə dayandırılıb.

Havada eniş məqamını gözləyərək dairə vuran təyyarələrdən biri də Türkiyə Prezidenti Rəcəb Tayyib Ərdoğanın "ANA" adlı şəxsi təyyarəsi olub.

Sabiha Gökçən Hava Limanında uçuşlar dayandırılmazdan 10 dəqiqə əvvəl Türkiyə lideri Ərdoğan da Ankaradan "Sabiha Gökçən"ə doğru yola çıxıbmış. Havada iki dəfə dairə vuran təyyarə yalnız hava limanı uçuşlara başladıqdan 18 dəqiqə sonra enə bilib.