Ana səhifə Planet |
Minlərlə Ermənistan vətəndaşı artıq çoxdan katolikosun dəyişdirilməsini tələb edir.
Axar.az xəbər verir ki, bu sözləri öz Feysbuk səhifəsində Ermənistan parlamentinin vitse-spikeri Alen Simonyan paylaşıb.
“II Qaregin bəyan edib ki, Robert Köçəryana münasibətdə həbs-qətimkan tədbiri dəyişdirilməlidir. Mən deyərdim ki, Ermənistanın minlərlə vətəndaşı artıq çoxdan katolikosun dəyişdirilməsini tələb edir. Düşünürəm ki, vətəndaş Ktriç Nersisyan (II Qareginin əsl adı) illərlə səssiz qalıb, bu gün isə pulu bol olan Köçəryanın ilkin həbsinin dəyişdirilməsinin zəmanətçisi kimi çıxış etmək qərarına gəlib”, – deyə o bildirib.
Qeyd edək ki, katolikos bundan öncə Köçəryanın koronavirus təhdidi ilə əlaqədar olaraq azadlığa buraxılmasını istəyib. Ermənistan hökuməti isə bunun əleyhinə çıxıb. Bundan başqa Ermənistan hökumətinin koronavirus səbəbindən ölkədə tətbiq etdiyi fövqəladə vəziyyət erməni kilsəninin narazılığına səbəb olub. Ölkədə bir sıra qurum və hətta sahibkarların belə koronavirusla əlaqədar məsuliyyətli davranmağına baxmayaraq, kilsə baş verənləri görməzdən gələrək, hələ də kütləvi mərasimlərin keçirilməsinə izn verir.
Tarix
2020.04.15 / 16:58
|
Müəllif
İlkin, Zaur
|