"Ukrayna baş verən hadisələr Avropanı yenidən parçaladı".

Axar.az xəbər verir ki, bu sözlər Almaniyanın "Frankfurter Allgemeine Zeitung"(FAZ) qəzetinin köşə yazarı Nikolas Bussenin bugünkü məqaləsində yer alıb.

O, regionda ən böyük problemin Rusiya olduğunu bildirib:

"Avropanın parçalanması soyuq müharibə dövründəki kimi iki ideoloji blok yox, iki müxtəlif təhlükəsizlik səviyyələri olan zonalar şəklində təzahür edib. Qərbi və Mərkəzi Avropa regionu özlüyündə yüksək stabilliyi əks etdirir. Onun sərhədləri isə praktiki olaraq NATO və Avropa İttifaqı ilə üst-üstə düşür. Lakin ondan şərqə uzanan hissədə yeni qeyri-stabil zona başlayır. Bura isə təkcə Ukrayna yox, həm də Gürcüstan, Moldova və eləcə də xoş gələcəyi olmayan Belarus aiddir. Bu regionda ən böyük problem Rusiyadır. O, ağalığa iddialı olsa da, öz istəklərini həyata keçirmək qabiliyyətində deyil. Böhran başlayana qədər Putin qonşu dövlətləri idarə etmək üçün o qədər də güclü deyildi. Qərbin sanksiyaları və neftin qiymətinin ucuzlaşması onun işini bir az da çətinləşdirir".