Azərbaycanda qeyri-ənənəvi dini təriqətlərin ən passivi bəhailərdir. İranda əsasən sionist casusu elan edilən bu təriqət üzvlərinin ölkəmizdə sayının min nəfər olduğu açıqlanıb.

Axar.az-a verilən xəbərə görə, azərbaycanlı bəhailər öz üzvləri arasında ianə toplamaqla icmanı saxladıqlarını söyləyirlər. Qeyri-islam təmayüllü, rəsmi dövlət qeydiyyatından keçmiş Bakı şəhəri və Sumqayıt şəhərində bəhai dini icması fəaliyyətdədir. Xəbərə görə, bu iki dini icmanı özündə birləşdirən "Azərbaycan Bəhai İcması"nın rəhbəri Rövşən Abbasov adlı şəxsdir. Bir müddət əvvəl Nazirlər Kabineti Qafqaz Müsəlmanları İdarəsinə və 20 qeyri-islam təmayüllü dini icmalara dövlət büdcəsindən maliyyə yardımı ayrılması barədə qərar vermişdi. Bu iki bəhai icması vəsaitdən imtina etdiyindən, 400 min manat 18 qeyri-islam təmayüllü icma arasında bölüşdürülmüşdü.

İddialara görə, bəhai qurumu rus imperiyası tərəfindən İranda yaradılmış casus şəbəkəsi olaraq anti-islam siyasətini həyata keçirirmiş. Sonra himayədarlığı İngiltərə casus şəbəkəsinə həvalə olunub.