Moldova 221 milyon avroluq Rusiya kreditindən imtina edib.

Axar.az xəbər verir ki, bu məlumatı “Doyçe Velle” saytı yayıb. Məlumata görə, ölkə müxalifətinin Rusiya ilə imzalanan müqavilənin ləğvi və ya şərtlərinin dəyişdirilməsi ilə bağlı müraciəti Konstitusiya Məhkəməsi tərəfindən dəstəklənib.

Müxalifət Moldova şirkətlərinin Rusiya bankları qarşısındakı borclarını hökumətin öz üzərinə götürməsiylə bağlı bəndin müqavilədə yer almasına etiraz edib.

Hökumət isə Rusiya kreditində heç bir riskin olmadığını bəyan edib. Hökumət kreditin 10 il müddət üçün nəzərdə tutulduğunu, bunun da Kişinyov üçün sərfəli olduğunu bildirib.