"Ermənistan Avrasiya İttifaqından Ukrayna hadisələrinin müzakirəsinə onu çağırmadıqlarına görə çıxa bilməz".

Axar.az "Kursiv.kz"yə istinadən xəbər verir ki, bu açıqlama ilə rusiyalı politoloq Qriqori Trofimçuk çıxış edib.

O, Ermənistanın Moskvada Avrasiya İttifaqı liderlərinin görüşünə çağırılmaması Kremlin onu Ukrayna hadisələrinin işinə qatmamaq niyyətindən xəbər verdiyini bildirib:

"Ermənistan Avrasiya İttifaqından yalnız çətin daxili siyasi proseslər başlayan zaman çıxa bilər. Qərb məhz bu proseslərdən onun Avrasiya Birliyindən ayrılması üçün istifadə edəcək. Ermənistanda Rusiya, Qazaxıstan və Belorusdan fərqli olaraq güclü hakimiyyət sistemi yoxdur və onu da Avrasiya İttifaqı ölkələrindən fərqləndirən məhz budur. Avrasiya İttifaqının daxilindən danışarkən biz Astana və İrəvanın münasibətlərini də unutmamalıyıq. Məhz Astana Ermənistan Avrasiya İttifaqına üzv olan zaman Qarabağla bağlı məsələni əsas problem kimi ortaya qoymuşdu. Bu gərginlik həmişəlik yox olmayıb və axır-əvvəl o, yeni qüvvəylə kəskinləşməyə qadirdir".