Liviyanın paytaxtı Tripolinin bombalanmasında günahkar olan şəxslər məsuliyyətə cəlb edilməlidir.

Axar.az xəbər verir ki, bu barədə BMT-nin Liviyaya Dəstək Missiyasının bəyanatında deyilib.

Bəyanatda bildirilib ki, Haftara bağlı qüvvələrin Mitiqa hava limanında təyyarəni vurması yolverilməzdir:

“Hava limanına atılan raketlər sərnişin təyyarələrinə, yanacaq anbarlarına ziyan verməklə yanaşı, mülki şəxslərə də xəsarət yetirib. Haftara bağlı qüvvələrin hücumları zamanı mayın 1-dən bu günə kimi paytaxtda 15 dinc sakin ölüb, 50 nəfər isə yaralanıb.

Mülki şəxsləri və infrastrukturu hədəf alan hücumları şiddətlə qınayırıq və bunu törədənlərin beynəlxalq hüquq çərçivəsində məsuliyyətə cəlb edilməsini tələb edirik”.