"ABŞ və onun Avropadakı müttəfiqləri Rusiyanın SWIFT sistemindən uzaqlaşdırılması fikrindən imtina ediblər".

Axar.az xəbər verir ki, bu barədə məlumatı "Bloomberg" agentliyi özünün etibarlı mənbələrinə istinadən yayıb.

Agentliyin məlumatına görə, Vaşinqtonda Rusiyanın bu sistemdən uzaqlaşdırılmasının çox böyük ziyanla nəticələnəcəyini düşünürlər. Həmçinin Moskvanın bu sistemdən uzaqlaşdırılması maliyyə sistemini iflic edə bilər.

Qeyd edək ki, keçən ilin yayında Böyük Britaniya Baş naziri Devid Kemeron Rusiyanın SWIFT sistemindən uzaqlaşdırılacağını bildirmişdi. Moskva isə belə bir hal olacağı təqdirdə Rusiyanın cavab addımları atacağını vurğulamışdı.