Ana səhifə Planet |
2020.05.30 - 14:16
Corc Floydun ölümündən sonra küçəyə çıxıb ədalət tələb edən minlərlə etirazçı və polis arasında toqquşmalar davam edir.
Axar.az xəbər verir ki, yüzlərlə insan Ağ Evin qarşısında toplaşıb, Nyu Yorkda isə bir polis idarəsi etirazçılar tərəfindən yandırılıb.
Los-Ancelesdəki polis maşınlarına ciddi ziyan vurulub.
Qeyd edək ki, polis saxtakarlıqda şübhəli bilinən qaradərili Corc Floydu saxlayarkən, onu yerə uzadıb və əlini arxadan qandallayıb. Bu zaman dizini onun boynuna qoyub. Floyd nəfəs ala bilmədiyini və boğulduğunu desə də, polis buna əhəmiyyət verməyib. Nəticədə şübhəli boğularaq ölüb.
Bu olay ABŞ-da böyük etirazlara səbəb olub.
Floydun ölümünə səbəb olan Minneapolis polis məmuru Derek Çauvin cümə günü üçüncü dərəcəli qətl və cinayətə təşəbbüslə həbs edilib.
***
Minneapolisdə polisin Corc Floydu öldürməsi ilə əlaqədar Vaşinqtonda başladılan etiraz aksiyasında "Foks Nyus" kanalının çəkiliş qrupu hücuma məruz qalıb.
Məlumata görə, kanalın əməkdaşı Lenand Vittert canlı yayımda olan zaman maskalı etirazçılar onu mühasirəyə alıb. Onlar kanalın əməkdaşlarını döyüb və kameranı sındırıb.
***
ABŞ-ın Minneapolis şəhərində qaradərili Corc Floydun polis tərəfindən öldürülməsinə qarşı aksiyalar genişlənib.
Buna görə Pentaqonun müxtəlif ştatlardakı qoşunlara küçəyə çıxmağa hazır olmaları barədə əmr verdiyi iddia edilib.
Məlumata görə, Pentaqon əsasən Şimali Karolina, Nyu York və Virciniya ştatlarındakı qoşunlara əmrə hazır olmaları barədə göstəriş verib.
Qeyd edək ki, etiraz aksiyaları 30-a yaxın şəhərdə davam edir.
Tarix
2020.05.30 / 23:21
|
Müəllif
Tural Əzimzadə
|