"Oliqarx İqor Kolomoyskini istefaya göndərməklə Ukrayna Prezidenti Pyotr Poroşenko ikinci cəbhəni açmış oldu".

Axar.az xəbər verir ki, bu açıqlama ilə Ədalətli Rusiya Partiyasının lideri Sergey Mironov çıxış edib.

O bu addımın Ukrayna hakimiyyətinin məğlubiyyəti ilə nəticələnə biləcəyini deyib: "Bütün strateqlər və hətta ən zəif olanlar belə bilirlər ki, iki cəbhədə savaş aparmaq olmaz. İki cəbhədə aparılan savaş hər zaman məğlubiyyətlə başa çatır".

Qeyd edək ki, Ukrayna Prezidenti bir müddət öncə Dnepropetrovsk vilayətinin rəhbəri İqor Kolomoyskini istefaya göndərmişdi. İstefadan bir müddət öncə milyarderlə prezident arasında qarşıdurma başlamışdı.

Onu da xatırladaq ki, yəhudi milyarder Ukraynada bir sıra mühüm yatırımlara sahibdir. O, investisiyalarının böyük bir hissəsini mətbuata yatırıb. Hazırda Ukraynanın demək olar ki, ən reytinqli xəbər saytları və televiziyaları məhz Kolomoyskiyə tabedir.