"İranla nüvə razılaşması Konqresin şıltaqlığı nəticəsində pozularsa, Obamanın, eləcə də Amerikanın sözünü tutmayan dövlət kimi nüfuzuna zərbə vuracaq".

Axar.az xəbər verir ki, bu açıqlama ilə politoloq Elxan Şahinoğlu çıxış edib. O, Obamanın ABŞ-ın nüfuzunu qorumaq üçün bir an öncə hərəkətə keçməli olduğunu bildirib:

"ABŞ Konqresi nüvə anlaşmasını Barak Obamanın burnundan gətirmək istəyir. Respublikaçı çoxluq anlaşma əleyhinə səsvermə keçirməyə hazırlaşır. Bəzi demokratlar da Obamaya müxalif olmağa hazırdırlar. Obamanın vaxtı azdır, Konqresdə anlaşmaya qarşı çoxluğun formalaşmasına mane olmalıdır. Əks halda, 5+1 formatı Konqresin şıltaqlığı nəticəsində pozulacaq və Obamanın, eləcə də Amerikanın sözünün üstündə dayanmayan dövlət kimi nüfuzuna zərər dəyəcək. İllərdir İran Ağ Evin təzyiqi altında idi, indi Tehran topu Ağ Evə atmaqla Barak Obamanı təzyiq altına sürüklədi".