Müxalifət hakimiyyəti ələ keçirmək üçün Koordinasiya Şurası yaratmaq qərarına gəlib.

Axar.az xəbər verir ki, bu sözləri Belarus Prezidenti Aleksandr Lukaşenko Təhlükəsizlik Şurasının iclasında deyib.

“Yeni element – Bu, hakimiyyəti, xüsusən güc strukturlarını “yatızdırmaq” cəhdidir. “Biz sülhpərvərik, biz yaxşıyıq, başa düşürsünüz, biz artıq müqavimət istəmirik”. Onlar (müxalifət) bizi digər səmtə yönləndirirlər və nə az, nə çox – hakimiyyəti onlara verməyi tələb edirlər. Deməli, biz bunu birmənalı qiymətləndiririk: Bu, bütün nəticələri ilə birlikdə hakimiyyəti ələ keçirmək cəhdidir”, - deyə dövlət başçısı bildirib.

Lukaşenko əlavə edib ki, dövlət Konstitusiya və qanuna uyğun olaraq “bəzi isti başları soyutmaq” üçün adekvat qərarlar qəbul edəcək.