2020.09.21. 23:34

Rusiyada yerləşən Baykal gölü ərazisində 5,3 bal gücündə zəlzələ baş verib.

Axar.az xəbər verir ki, bu barədə Avropa Aralıq dənizi Seysmoloji Mərkəzi məlumat yayıb.

Yeraltı təkanlar UTC vaxtı ilə 18:04-də qeydə alınıb.

Zəlzələnin episentri Slyudyanka şəhərindən 31 km şimal-qərbdə, İrkutsk şəhərindən isə 83 km cənub-qərbdə qeydə alınıb.

Zəlzələ ocağı 2 km dərinlikdə yerləşib.

Dağıntı və tələfatla bağlı məlumat yoxdur.

***

Zəlzələdən sonra İrkutsk şəhərində yüksək hazırlıq rejimi elan edilib.

Bu barədə şəhər administrasiyası məlumat yayıb.

Növbətçi xidmətlər zəlzələnin nəticələri ilə bağlı məlumat toplamağa çalışır.

Həmçinin qəza-xilasetmə heyətləri ərazilərə baxış keçirir.

“Dağıntı və tələfat yoxdur”, - məlumatda bildirilib.

Qeyd edək ki, Rusiya Fövqəladə Hallar Nazirliyi zəlzənin maqnitudasının 5,9 şkalaya qədər çatdığını açıqlayıb.