Ana səhifə Planet |
"Rus oliqarxları Ukrayna batalyonlarını maliyyələşdiriblər".
Axar.az xəbər verir ki, bu açıqlama ilə Boris Berezovskinin keçmiş təhlükəsizlik xidmətinin rəhbəri Sergey Sokolov çıxış edib.
O, bununla bağlı yazışmaların bir hissəsinin rusların əlində olduğunu bildirib:
"Rusiyada yazışmaların məxfiliyini saxlamaq olmur. Qərbdə isə belə şeyləri Mərkəzi Kəşfiyyat İdarəsi izləyir. Lakin Ukrayna uzun müddət internet üzərindən yazışmaların gizli saxlanılmasını təmin edə biləcək yer olub. Ona görə də Ukrayna ilə danışıqlar aparan rusiyalı oliqarxlar və siyasətçilər bu ölkənin serverlərindən istifadə ediblər. Bu informasiyaların bir hissəsi rus oliqarxlarının "Sağ sektoru" necə maliyyələşdirməsini əks etdirir. Rusların bir hissəsi Ukraynadakı müharibəyə yatırımlar edirlər. Bu o insanlardır ki, onlar pulları o qədər də təmiz yollarla qazanmırlar. Həmin şəxslər "Aydar", "Azov" batalyonlarına və "Sağ sektora" kapital qoyurlar. Onlar sadəcə pulu hazırda Ukraynada hökmranlıq edən gücə qoyurlar ki, hansısa bonuslar, zavodlar əldə edə bilsinlər. Lakin bir şeyi də anlamaq lazımdır ki, Ukrayna bu gün çəkic altına gedir. Ukrayna Təhlükəsizlik Xidməti həmin yazışmaların rusların əlinə keçəcəyindən qorxur və ona görə də Moskvadan tez tərpənmək istəyir. Amma ukraynalılar artıq gecikib. Çünki həmin serverlərin böyük hissəsi artıq Rusiya ərazisində yerləşir".
Tarix
2015.04.30 / 12:57
|
Müəllif
İlkin Həsənov
|