Ana səhifə Planet |
"Mən Ukrayna hakimiyyətinə təsir etmək üçüm "Ağsaqqallar qrupu"na daxil olmaq istəyirəm".
Axar.az xəbər verir ki, bu açıqlama ilə rusiyalı siyasətçi Vladimir Jirinovski çıxış edib.
O, bununla Ukraynada müharibənin dayanmasına yardım edəcəyini bildirib:
"Ağsaqqallar öz ölkələrində ən yüksək vəzifələrdə olublar və onlar yaxşı məsləhətlər verə bilərlər. Onlar Ukrayna rəhbərliyinə qarşı yürütdükləri siyasətin yaxşı istiqamətə aparmadığını izah edə bilərlər. Prinsipcə mən də həmin qrupun üzvü olmaq istərdim".
Qeyd edək ki, "Ağsaqqallar qrupu" 2007-ci ildə Cənubi Afrika Respublikasının keçmiş prezidenti Nelson Mandella tərəfindən yaradılıb. Onun yaradılmasında əsas məqsəd dünyəvi problemlərin həllinə yardım etməkdir. Onun tərkibinə 12 nəfər daxil olur və qrupun heyəti daima dəyişir. Ağsaqqallar təşkilatın investorları və əsasını qoyanlardan başqa heç kimə tabe olmurlar. Hazırda qrupun tərkibinə Kofi Annan (1997-2006-cı illər BMT-nin Baş katibi), Qrasa Maşel (Mandellanın həyat yoldaşı), Marti Axtisaari (Finlandiyanın eks-prezidenti, Nobel mükafatı laureatı), Ela Bxat (hindistanlı hüquq müdafiəçisi), Laxdar Braximi (BMT-nin keçmiş elçisi), Qru Xarlem Brundtland (Norveçin keçmiş Baş naziri), Fernando Kardozu (Braziliyanın keçmiş prezidenti), Ernesto Sedilyo (Meksikanın keçmiş prezidenti), Cimmi Karter (ABŞ-ın keçmiş prezidenti), Meri Robinson (İranlandiyanın keçmiş prezidenti), Nina Djilani (pakistanlı hüquq müdafiəçisi) daxildir.
Tarix
2015.04.30 / 16:02
|
Müəllif
İlkin Həsənov
|