Ermənistanda koronavirusa yoluxma bazar günü 750-yə düşsə də, son sutkada yenidən 1234-ə qalxıb.

Axar.az xəbər verir ki, bu məlumatı Ermənistan Səhiyyə Nazirliyi yayıb.

Bildirilib ki, bununla da Ermənistanda yoluxma 66694 olub.

Son sutkada daha 10 nəfər bu virusdan ölüb (ümumi say 1101). Yan xəstəliklərdən ölənlərlə birgə isə bu rəqəm 1419-a çatıb.

Hazırda 16541 nəfər aktiv koronavirus xəstəsi var.

Qeyd edək ki, Ermənistanda koronavirus son günlər kəskin yayılsa da, şənbə və bazar günləri statistikanın az göstərilməsi test sayı ilə əlaqələndirilir. Belə ki, Ermənistanda şənbə və bazar günləri test aparılması kəskin azalır.