Türkiyənin İstanbul şəhərində, Gəzi Parkında maraqlı bir olay yaşanıb.

Axar.az xəbər verir ki, parkda soyuqdan titrəyən Nigeriya əsilli gənc yardım təkliflərini rədd edib. Belə ki, sakinlər parkda ayaqyalın, nazik geyimdə oturan gəncə kömək üçün aidiyyəti qurumlara müraciət edib. Parka gələn polis və tibbi yardım briqadası sözügedən şəxsə yardım təklif ediblər. Hətta ona ayaqqabı da gətirilib, lakin o, bundan imtina edib. Bütün yardımları rədd edən nigeriyalı bir müddət sonra parkdan uzaqlaşıb.

Məsələ ilə bağlı danışan parkın təhlükəsizlik üzrə rəhbəri Doğukan Bulud gəncin tez-tez əraziyə gəldiyini, ancaq yardımları rədd etdiyini söyləyib.