Gərginliyi azaltma bölgələrində artıq bombardmanı birdəfəlik dayandırmaq istəyirik.

Axar.az xəbər verir ki, bunu Suriyanın müxalif qüvvələrinin hərbi nümayəndəsi Aymen əl-Asimi Soçi görüşü öncəsi açıqlamasında bildirib.

"Soçidə İdlibdə atəşkəsə riayət edilməsi, kütləvi miqrasiyanın qarşısının alınması, xüsusilə Konstitusiya Komitəsinin işi, mülki şəxslərin qorunması, rejimin təcavüzkarlığı, bölgəyə humanitar yardımın fasiləsiz çatdırılması, eyni zamanda insanların yaşayış yerlərinə könüllü və təhlükəsiz şəkildə qayıtmasının təmin edilməsi kimi məsələlər müzakirə olunacaq", - Asimi vurğulayıb.

Son Cenevrə görüşü barədə də danışan Asimi BMT-nin mövqeyini tənqid edib:

"BMT Cenevrə prosesi əsnasında lazım olanı etmədi. Qatarı relsə oturtmaq üçün Astana danışıqlarına qayıtmaq və daha sonra konkret nəticələrlə Cenevrəyə getmək lazımdır".

Qeyd edək ki, fevralın 16-17-də Rusiyanın Soçi şəhərində Suriya Konstitusiya Komitəsinin iclası keçiriləcək.