"Mən Odessanın 27 rayonundan 24-nün rəhbərini istefaya göndərəcəyəm".

Axar.az xəbər verir ki, bu açıqlama ilə Gürcüstanın eks-prezidenti, Odessa vilayətinin qubernatoru Mixail Saakaşvili çıxış edib. O, müsabiqə vasitəsilə yeni komanda cəlb edəcəklərini bildirib:

"Odessada 27 rayon var. Onlarda üçünün rəhbəri bu posta yeni təyin olunub. 24-nün rəhbərini isə dərhal istefaya göndərəcəyəm. Biz müsabiqə vasitəsilə yeni komanda cəlb edəcəyik. Müsabiqə yalnız Odessa vilayətində yox, bütün Ukraynada aparılacaq".

O, struktur islahatlarının korrupsiyaya qarşı mübarizənin bir parçası olduğunu bildirib.

Qeyd edək ki, Ukrayna Prezidenti Pyotr Poroşenkonun fərmanı ilə Saakaşviliyə Ukrayna vətəndaşlığı verilib. Nazirlər Kabineti isə onu Odessa vilayətinə qubernator təyin edib.