Rəsmi Dəməşq BMT Baş katibinə və BMT Təhlükəsizlik Şurasına məktub ünvanlayıb.

Axar.az xəbər verir ki, bu barədə Suriya Xarici İşlər Nazirliyindən məlumat yayılıb. Məktubda ABŞ-ın Suriya ərazisinə hücumları təcili dayandırması üçün tədbirlər görülməsi tələb edilib.

XİN BMT TŞ-ni sülh və təhlükəsizliyin qorunması üçün məsuliyyəti öz üzərinə götürməyə və ABŞ-ın hücumunun davam etdirilməməsi üçün dərhal hərəkətə keçməyə çağırıb.

Qeyd edək ki, ötən gün ABŞ Suriyadakı iranmeyilli qüvvələrə aviazərbələr endirib.