20:19

Liviya Baş naziri Əbdülhəmid Dibeybə və onu müşayiət edən nümayəndə heyəti Türkiyədə rəsmi səfərdədir.

Axar.az xəbər verir ki, Türkiyə Prezidenti Rəcəb Tayyib Ərdoğan Dibeybə ilə görüşüb.

Səfər zamanı Liviyada böhran səbəbindən fəaliyyətləri dayandırılan türk şirkətlərinin yenidən işə başlaması, enerji və səhiyyə sektorunda müxtəlif sənədlərlə bağlı müzakirələr aparılacaq.

***

Türkiyə-Liviya Yüksəksəviyyəli Əməkdaşlıq Şurasının ilk iclası keçirilib.

İki ölkə arasında beş əməkdaşlıq protokolu imzalanıb. Prezident Rəcəb Tayyib Ərdoğan və Liviyanın Baş naziri Əbdülhəmid Dibeybə birgə mətbuat konfransı keçiriblər.

Türkiyə dövlət başçısı diqqətə çatdırıb ki, Liviyanın ərazi bütövlüyünün və siyasi birliyinin qorunması, əhalinin rifahı ən mühüm hədəflərimizdəndir. Liviyaya hərtərəfli yardımlarını davam etdirən Türkiyə sabahdan etibarən COVİD-19 infeksiyasına qarşı 150 min peyvənd çatdıracaq.

Liviyada davamlı atəşkəsə nail olmaq üçün Türkiyənin səylərinə görə təşəkkürünü ifadə edən Baş nazir Əbdülhəmid Dibeybə diqqətə çatdırıb ki, digər məsələlərdə olduğu kimi enerji sahəsində də qarşılıqlı əməkdaşlıq etmək istəyirlər.