Ana səhifə Planet |
Ermənistanda elektrik enerjisi qiymətlərinin artımı ilə bağlı etiraz aksiyaları davam edir.
Axar.az erməni mətbuatına istinadən xəbər verir ki, iyunun 19-da baş verən aksiyaya şinlər gətirən anarxist blok da qoşulub.
Şahidlərin sözlərinə görə, polislər meydana yığışan insanlara qarşı güc tətbiq edərək, şinləri yığışdırıblar.
Bu mitinq əvvəl keçirilənlərdən Ermənistan anarxist hərəkatı nümayəndələrinin də birdən ortaya çıxması ilə fərqlənib. İrəvanın Azadlıq meydanında keçirilən mitinqin əvvəlində meydana anarxist-feminist bayraqlar və şinlərlə gələn insanlar bildiriblər ki, toqquşma və yanğın olmayacaq.
Öz tələblərini bildirəndən sonra iştirakçılar oradakıları öz yaxınlarını və dostlarını meydana gətirməyə səsləyib. Daha sonra hüquq-mühafizə orqanları aksiya iştirakçılarından ərazini tərk etməyi tələb edib.
Polisə qarşı vətəndaş itaətsizliyini anarxist blokun üzvləri göstərib. Polis də meydandan çəkilmək əmrinə tabe olmayanlara qarşı güc tətbiq edib.
Anarxistlər elektrik enerjisi qiymətlərinin qalxmasından sonra Ermənistanın gələcəyi ilə bağlı vərəqələr yayıb.
"Növbəti bahalaşma nəticəsində dilənçilər daha pis günə qalacaq. Kim özünü belə hesab etmirsə, illüziyalardan imtina etmək lazım gələcək. Ən həssas təbəqə yoxsulluğa məhkum olacaq", - vərəqələrdə bildirilib.
Tarix
2015.06.20 / 12:34
|
Müəllif
Axar.az
|