İrəvanda həbs edilən etirazçıların sayı 237 nəfərə çatıb.

Axar.az xəbər verir ki, bu barədə informasiyanı Ermənistan mətbuatı yayıb.

Mətbuatın məlumatına görə, həbs edilənlərdən 7-sinə ilkin tibbi yardım göstərilib, 3 nəfər isə xəstəxanaya çatdırılıb. Bundan başqa, aksiyanın dağıdılması zaman 11 polis əməkdaşı da xəsarət alıb.

Bundan başqa polis bölmələri ağzına qədər dolduğuna görə, həbs edilənlərin bir hissəsi Abovyan və Aştarak şəhərlərinə aparılıb. Həbs edilənlər sırasında "news.am", "hetq.am", panarmenian.net", Aykakan Jamanax qəzetinin əməkdaşları da var. "Armenia Today" agentliyi isə özünün etibarlı mənbələrinə istinadən İrəvanda aksiya iştirakçılarına qarşı xuliqanlıq maddəsi ilə cinayət işi açılacağı barədə məlumat yaymışdı.

Qeyd edək ki, İrəvanda elektrik enerjisinin qiymətinin qaldırılmasına qarşı keçirilən etiraz aksiyası bu gün səhər tezdən dağıdılmışdı.