İrəvanda elektrik enerjisinin qiymətinin qaldırılmasına görə, meydana toplaşan şəxslər polisin çağırışlarına məhəl qoymayıb.

Axar.az xəbər verir ki, bu barədə informasiyanı "News.am" saytı yayıb.

Saytın məlumatına görə, artıq meydanda toplaşan sadə vətəndaşlarla şou biznes nümayəndələri və deputatlar arasında fikir ayrılığı yaranıb. Məşhurlar əhalini Baqramyan küçəsini açmağa səsləsə də, buna məhəl qoyan olmayıb.

Qeyd edək ki, Ermənistan polisi etirazçılara saat 10:00-a qədər vaxt vermişdi.

Dünən keçirilən etiraz aksiyalarında polis 237 nəfəri həbs edib.