11:15

Ermənistanın Ararat vilayətinin Azataşen kəndindəki seçki məntəqəsində atışma olub.

Axar.az xəbər verir ki, bu barədə Ermənistan polisi məlumat yayıb.

Məlumata görə, Çiçəklənən Ermənistan Partiyası və Verelk Partiyasının üzvləri arasında mübahisə yaranıb.

Mübahisə iştirakçılarından biri qaz tapançası ilə havaya bir neçə dəfə atəş açıb.

Hadisə ilə bağlı araşdırma aparılır.

***

Azataşen kəndindəki seçki məntəqəsində havaya atəş açan şəxs deputatlığa namizədlərdən birinin oğludur.

Bu barədə Ermənistan hüquq-mühafizə orqanları məlumat yayıb.

Bildirilib ki, hadisə yerindən 2 boş və bir dolu giliz tapılıb. Qaz tapançası isə müsadirə edilib.

Hazırda qanunu pozan şəxsin ifadə vermək vəziyyətində olmadığı bildirilib.

***

İrəvanda da silahlı insident qeydə alınıb.

Bildirilir ki, alkoqollu içkinin təsiri altında olan kişi öz mənzilindən havaya atəş açıb. Polis əməkdaşları onu zərərsizləşdirirək, bölməyə gətiriblər. İlkin məlumata görə, hadisə zamanı xəsarət alan olmayıb.

Təhqiqat aparılır.