ABŞ-ın sabiq prezidenti Donald Tramp koronavirus pandemiyasının ilk günlərində xaricdə COVİD-19-a yoluxmuş amerikalıların terrorçuların saxlanıldığı Quantanamo həbsxanasına göndərməyi təklif etmişdi.

Axar.az xəbər verir ki, bu barədə “Vaşinqton Post” yazıb.

Bildirilib ki, o zaman Ağ Evdə keçirilən müzakirə zamanı keçmiş Ağ Ev rəhbəri bu təklifi səsləndirmişdi.

“Bəyəm bizim öz adamız yoxdur? Bəs Quantanamo? ABŞ məhsul idxal edir, virusu deyil”, - deyə Tramp bildirmişdi.

Qəzet yazır ki, Tramp həmin təklifi irəli sürəndə köməkçiləri buna heyrət ediblər. İkinci dəfə isə yenə sabiq prezident eyni təkliflə çıxış etdikdə mənfi reaksiyalara səbəb olacağı ehtimalına görə rədd edilib.