Dünya təbliğat nəhənglərindən olan BBC "İslam dövləti" ifadəsi üzrə yaranan mübahisəyə münasibət bildirib.

Axar.az xəbər verir ki, BBC-nin baş direktoru Toni Hall məsələ ilə bağlı açıqlama verərək ifadəyə dəyişiklik edəcəklərini bildirib:

"BBC bir qrup, ya da quruluşa ad verərkən o qrupun özünü necə tanıtdığını əsas götürür. Yalnız "İslam dövləti" ifadəsi ilə belə bir dövlətin varlığını ifadə etməyin səhv olduğunu bilirik. Biz də bundan sonra "Qondarma İslam dövləti" ifadəsindən istifadə edəcəyik".

Baş nazir ötən gün verdiyi açıqlamasında İŞİD üçün "İslam dövləti" ifadəsini işlətməyin doğru olmadığını demişdi:

"Çünki bu islam dövləti deyil, qorxunc və barbar bir rejimdir".

Xatırladaq ki, 120 millət vəkili BBC-yə məktub ünvanlayaraq şirkətin "İslam dövləti" ifadəsindən istifadə etməməsini istəmişdi.